لاہور( این این آئی )شہباز تتلا کیس میں گرفتار ملزم اسد بھٹی نے ایس ایس پی مفخر عدیل کیساتھ مل کر متوفی کو قتل کرنے کا اعتراف کر لیا ۔نجی ٹی وی نے ذرائع کے حو الے کہا ہے کہ ملزم اسد بھٹی نے پہلے پولیس کو صرف شہباز تتلاکی لاش تلف کرنے میں مدد کرنے کا بیان دیا تھا۔
پولیس کے پاس اس وقت ملزم اسد بھٹی اور عرفان موجود ہیں۔ ذرائع کے مطابق ملزم عرفان ایس ایس پی مفخر عدیل کو تیزاب لا کر دیتا تھا۔پولیس نے زیر حراست ملزمان کی باقاعدہ گرفتاری ڈالنے اور ان کا چالان عدالت میں پیش کرنے کے لیے اقدامات شروع کر دئیے ہیں۔
