سرگودہا(این این آئی)سرگودھا شہر کے نجی تعلیمی ادارے میں طالب علم کو پانی پینے کے جرم میں ٹیچر نے تشدد کا نشانہ بنا ڈالا جسے ہسپتال منتقل کر کے پولیس نے سکول ٹیچر کے خلاف مقدمہ درج کر لیا۔زرائع کے مطابق شہر کے علاقہ کوٹ فرید کے  ارشد کا 7 سالہ بیٹا مبشر علاقہ کے نجی سکول میں دوسری جماعت کا طالب علم تھا جہاں بچے کا پانی پینا جرم بن گیا اور ٹیچر نے بچے کو تشدد کا نشانہ بناتے ہوئے

بازو ڈیکس میں دبا کر دو جگہوں سے توڑ دیا۔جس کو ہسپتال منتقل کردیا گیا۔جہاں ایکسرے کرانے پر بازو فریکچر کی رپورٹ سامنے آ گئی تو تشدد کا نشانہ بنانے والے ٹیچر نے قانونی کارروائی کی صورت میں والدین کو سنگین نتائج کی دھمکیاں دینا شروع کر دیں۔پولیس تھانہ اربن ایریا پولیس نے بچے کے والد ارشد کے بیان پر سکول ٹیچر کیخلاف زیر دفعہ 328 ت پ مقدمہ درج کر کے تفتیش شروع کر دی ہے ۔