ساہیوال(آن لائن) وزیرا عظم عمران خان کے سٹیزن پورٹل پر شکایت سے گندم خرید سینٹر ہیڈ سلیمانکی کی تین کروڑ70۔لاکھ روپے کی 10ہزار750بوریاں گندم خرد برد ہونے کا انکشاف اورسینٹرل انچارج فوڈ انسپکٹر سمندر خان کے خلاف خرد برد کر نے کا نوٹس لے لیا اور وزیرا عظم نے ڈائریکٹر جنرل فوڈ پنجاب اور سیکرٹری فوڈ پنجاب سے رپورٹ مانگ لی۔
اس غبن میں ملوث فوڈ انسپکٹر سمندر خاں اور ڈپٹی ڈائریکٹر فوڈ ساہیوال ڈویژن اورڈسٹر کٹ فوڈ کنٹرولر اوکاڑہ کی طرف سے ایکشن نہ لینے اور معاملہ کو دبانے کی کوشش کر نے کی بنا پر دونوں افسروں کے خلاف بھی ایکشن لینے کا حکم دے دیا ہے۔اس سلسلہ میں سیکرٹری فوڈ پنجاب نے گندم خرید سینٹر ہیڈ سلیمانکی پر چھاپہ مار کر تمام ریکارڈ قبضہ میں لے لیا ہے اور انکوائری شروع کر دی ہے۔
