اسلام آباد(نیوزڈیسک)پیپلز پارٹی کے رہنما رکن قومی اسمبلی اعجاز جاکھرانی نے پاک فوج پر تنقید کرنے پر معذرت کر لی اور کہا ہے کہ میرا ہرگز یہ مقصد نہیں تھا کہ پاک فوج کے اعلیٰ افسران اور جوانوں کی دل آزاری کروں‘ ہم نے ہمیشہ فوج کی عزت کی ہے اور ہر مشکل گھڑی میں شانہ بشانہ ان کے ساتھ کھڑے ہیں‘ ملک سے دہشت گردی کے خاتمے اور ضرب عضب آپریشن میں اپنی جانوں کا نذرانہ دے کر ملک و قوم کو محفوظ بنا رہے ہیں۔ وہ جمعہ کو پارلیمنٹ ہاﺅس کے باہر میڈیا سے بات چیت کر رہے تھے ۔ اس موقع پر پیپلز پارٹی کے ارکان شازیہ مری ‘ مہرین رزاق بھٹو‘ رمیش لال ‘ سلیم ایچ مانڈوی والا سمیت دیگر موجود تھے۔ انہوں نے کہا کہ میری بجٹ تقریر کا ہرگز مقصد نہیں تھا کہ کسی کی دل آزاری کرنا میں نے تو لائٹ موڈ میں بات کی تھی جسے بعد میں غلط انداز میں لیا گیا میں سپیکر قومی اسمبلی سے درخواست کر تقریر کے اس حصے کو کارروائی سے حذف بھی کروا دیا گیا اب وہ کارروائی ریکارڈ کا حصہ بھی نہیں ہے۔ انہوں نے کہاکہ پیپلز پارٹی کے بانی شہید ذوالفقار سے لے کر آصف علی زرداری تک نے ہمیشہ پاک فوج کی عزت کی ہے اور ہر مشکل گھڑی میں ان کا ساتھ دیا۔ انہوں نے کہاکہ ملک سے دہشت گردی کے خاتمے اور ضرب عضب آپریشن جن جوانوں نے اپنی جانوں کے نذرانے دئیے ہیں ہم انہیں سلام پیش کرتے ہیں۔ انہوں نے کہا کہ کراچی میں جرائم پیشہ افراد کے خلاف آپریشن کرنے کی رینجرز کو دعوت ہم نے خود دی تھی اور انہیں تمام اختیارات اور مینڈیٹ دیا اور سپورٹ بھی کیا تاکہ کراچی میں امن و امان قائم ہو اور دہشت گردی کا خاتمہ ہو۔ ایک سوال پر انہوں نے کہا کہ سابق صدر آصف علی زرداری کی پریس کانفرنس میں یہی تھا کہ پاک فوج ہماری فوج ہے اس کے ساتھ کھڑے ہیں اور ملکی تمام اداروں کو آئین کے دائرے میں رہ کر اپنا کام کرنا چاہیے۔ اعجاز جاکھرانی نے کہا کہ پاک فوج ہماری فوج کوئی بھارتی فوج یا کسی ملک کی فوج نہیں ہے ہم اپنی فوج کی دل سے عزت کرتے ہیں۔
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































