مکہ مکرمہ (نیوزڈیسک )صدر مملکت ممنون حسےن نے کہا ہے کہ سیاسی بیان یا لباس کی جنگ سے کراچی آپریشن یا ضرب عضب میں کوئی رکاوٹ نہیں آئے گی، کراچی آپریشن منطقی انجام تک ضرور پہنچے گا، رینجرز اور سندھ پولیس جرائم پیشہ لوگوں کو کیفر کردار تک پہنچائیں گے،اقتصادی راہدری منصوبہ بےرونی قوتوں کی آنکھوںمےں کھٹک رہا ہے ،مسئلہ کشمیر حل کئے بغیر پاکستان اور بھارت کی دوستی نہیں ہو سکتی، پاکستان اور بھارت کو مذاکرات کے ذریعے مسائل حل کرنا ہوں گے ،پاکستانی حکومت اور فوج حرمین شریفین کی حفاظت کےلئے ہر وقت تیار ہیں، حوثیوں باغیوں نے سعودی عرب کی ریڈ لائن عبور کی تو ان کا مقابلہ کریں،پاکستان یمن بحران کے حل کےلئے سفارتی محاذ پر سرگرم ہے۔جمعہ کوسعودی اردو نیوز کودےئے گئے خصوصی انٹرویو مےں صدر نے کہاکہ مسئلہ کشمیر حل کئے بغیر پاکستان اور بھارت کی دوستی نہیں ہو سکتی، پاکستان اور بھارت کو مذاکرات کے ذریعے مسائل حل کرنا ہوں گے ۔صدر ممنون حسےن نے کہا کہ مشکل وقت میں پاکستانی عوام اور فوج سعودی عرب کے ساتھ ہوں گے،پاکستان یمن بحران کے حل کےلئے سفارتی محاذ پر سرگرم ہے،جدہ میں ہونے والی او آئی سی وزرائے خارجہ کانفرنس بھی اسی کا حصہ ہے۔انھوںنے کہا کہ یمن بحران کے آغاز پر وزیراعظم نے سعودی عورتوں کی قیادت سے ملاقات کی۔وزیراعظم نواز شریف نے ترکی، ایران، انڈونیشیاءاور ملائیشیاءکو یمن بحران پر آن بورڈ دیا، یمن بحران کا خونریزی کے بغیر حل دیرپا ہو گا۔انھوںنے کہاکہ حرمین شریفین کی حفاظت کےلئے جان کی پرواہ نہیں کریں گے۔پاکستانی حکومت اور فوج حرمین شریفین کی حفاظت کےلئے ہر وقت تیار ہیں، مشکل وقت آیا تو سعودی عرب میں مقیم بیس لاکھ پاکستانی حکومت کے ساتھ ہوں گے۔ سعودی مملکت کے دفاع میں پیچھے نہیں رہیں گے۔صدر ممنون حسےن نے کہاکہ حوثیوں باغیوں نے سعودی عرب کی ریڈ لائن عبور کی تو ان کا مقابلہ کریں گے۔ حوثی باغیوں کے کسی بھی اقدام کو قبول نہیں کیا جائے گا۔ضرورت پڑنے پر افواج پاکستان سعودی عرب کی مدد کےلئے دیر نہیں کرے گی۔انھوںنے کہاکہ کراچی آپریشن منطقی انجام تک ضرور پہنچے گا، کراچی کو جرائم پیشہ افراد ،بھتہ خوروں اور لینڈ مافیا سے پاک کرنا ہے، ٹارگٹ کلنگ اور اغواءبرائے تاوان کی وارداتوں کا ہمیشہ کےلئے خاتمہ کرنا ہے۔انھوںنے کہا کہ کراچی میں آپریشن کے بعد حالات میں بہتری آئی ہے، آپریشن کے نتائج سامنے آنا شروع ہو گئے ہیں، بھتہ خوری اور ٹارگٹ کلنگ کم ہوئی ہے۔انھوںنے کہاکہ رینجرز اور سندھ پولیس جرائم پیشہ لوگوں کو کیفر کردار تک پہنچائیں گے، سیاسی بیان یا لباس کی جنگ سے کراچی آپریشن یا ضرب عضب میں کوئی رکاوٹ نہیں آئے گی۔آپریشن ضرب عضب کے اثرات آج پورے ملک میں محسوس کئے جا سکتے ہیں، آئی ڈی پیز کی واپسی اور بحالی بڑا کام ہے، مرحلہ وار واپس بھیجا جا رہا ہے۔صدر نے کہاکہ آئی ڈی پیز نے دہشت گردی کے خاتمے کےلئے بڑی قربانیاں دی ہیں، فاٹا میں تعلیم اور صحت کی بہتر سہولیوں کےلئے منصوبے بنائے جائیں گے۔انھوںنے کہاکہ ہمسائیوں کے درمیان چھے تعلقات ہونے چاہےں۔