لاہور( این این آئی )مسلم لیگ (ن) کے رہنما رانا مشہود احمد نے نیب طلبی کا نوٹس لاہور ہائیکورٹ میں چیلنج کردیا۔ درخواست میں چیئرمین نیب، ڈی جی نیب، تفتیشی افسر سمیت دیگر کو فریق بنایا گیا ہے۔ درخواست میں موقف اختیار کیا گیا ہے کہ پبلک آفس ہولڈر کے اختیارات سے

تجاوز سے متعلق قانون وضع کیا گیا ہے، نیب پہلے ہی طلب کرکے انکوائری کر چکا ہے ،نیب کو مکمل ریکارڈ بھی فراہم کر چکا ہوں۔ نیب 2017 میں انکوائری بند کرچکا اوراب دوبارہ طلب کیا گیا ہے ،استدعا ہے کہ طلبی کا نوٹس غیر آئینی قرار دے کر کالعدم قرار دیا جائے ۔