لاہور( این این آئی) وزیر اعظم عمران خان نے وزیراعلی پنجاب سردار عثمان بزدار کو ذخیرہ اندوزوں اور ملاوٹ مافیا کے خلاف آپریشن تیز کرنے کا حکم دیدیا۔ وزیر اعظم عمران خان سے وزیر اعلیٰ پنجاب سردار عثمان بزدار نے ملاقات کی جس میں صوبہ پنجاب کی مجموعی صورتحال اور ترقیاتی منصوبے سمیت دیگر امور پر تبادلہ خیال کیا گیا ۔ذرائع کے مطابق وزیر اعظم عمران خان کا ملاقات کے دوران کہنا تھاکہ تحریک انصاف کی حکومت کی اولین ترجیح
عام آدمی کو ارزاں نرخوں پر اشیا ئے خوردونوش کی فراہمی کو یقینی بنانا ہے ۔عام آدمی کو ریلیف دینے کے لیے یوٹیلیٹی اسٹورز پر خصوصی پیکج دیا گیا ہے۔آٹے اور اور چینی کی سرکاری قیمتوں پر فراہمی کو یقینی بنایا جائے اوراشیائے خوردونوش کا مصنوعی بحران پیدا کرنے والوں سے سختی سے نمٹا جائے۔وزیر اعظم نے کہا کہ ملاوٹ مافیا کے خلاف بھی وسیع پیمانے پر کارروائی کی جائے اور ان سے کوئی رعایت نہ برتی جائے۔
