لاہور( این این آئی)فیملی کورٹ میں ایک انوکھا دعویٰ دائر کیا گیا ہے جس میں 80سالہ بیوی نے سابقہ شوہر سے جہیز کی واپسی کا تقاضہ کیا ہے ۔ پتوکی کی رہائشی تاج بی بی کی درخواست پر اس کا شوہر اسماعیل 80سالہ گواہ کے ہمراہ عدالت میں پیش ہوا ۔ اسماعیل نے موقف اپنایا کہ اس کی صدر ایوب کے زمانے میں تاج بی بی سے شادی ہوئی اور اسے

طلاق دئیے ہوئے بھی 35سال کا عرصہ گزر چکا ہے ۔ بزرگ اسماعیل نے مزید کہا کہ خاتون ایک پیالہ بھی لے کر نہیں آئی تھی، میرے والد نے بارات کو کھانا کھلایا اور اسے تاج بی بی کو کپڑے بھی دئیے تھے ۔ جہیز کی فہرست میں وہ چیزیں بھی لکھ دی گئی ہیں جو اس وقت تھی ہیں نہیں، پتوکی میں گیس نہیں ہے لیکن گیس کا ہیٹر لکھ دیا گیا ہے ۔

موضوعات:دعویٰ دائر