لاہور (آن لائن) لاہور میں بزرگ خاتون کیساتھ رہزنی کی خوفناک واردات  ہوئی ، پولیس  ذرائع کے مطابق  راہزنی کی خوفناک واردات ہفتے کے روز لاہور کے علاقے نواں کوٹ کی آبادی خلیل پارک ڈھولن وال میں پیش آئی،کار سوار بزرگ خاتون اپنی بیٹی کے ہمراہ فوتگی پر افسوس کرنے گئی تھی کہ ڈاکوؤں نے انہیں لوٹ لیا۔متاثرہ خاتون کی جانب سے پولیس کو درج کرائی گئی رپورٹ کے مطابق گھر کے

باہر جیسے ہی گاڑی رکی 2مسلح نقاب پوش ڈاکوں نے ان پر اسلحہ تان لیا ،ڈاکوؤں نے طلائی زیورات اتارنے کے لیے بری طرح چھینا جھپٹی  بھی کی، پہلے زور لگا کر بازوؤں سے کڑے اتارے، پھر بالیاں اتارنے کے بجائے نوچ لیں۔ اس صورتحال سے خوفزدہ بزرگ خاتون کی بیٹی اپنی والدہ کے کڑے اتارنے میں مدد کرتی رہی۔پولیس نے نامعلوم افراد کیخلاف مقدمہ درج کرکے تحقیقات شروع کر دیں‎