اسلام آباد (این این آئی)پاکستان پیپلزپارٹی کی رہنما سینیٹر سسی پلیجو نے عمران خان کے بیان پر ردعمل کا اظہار کرتے ہوئے کہاہے کہ وزیراعظم صاحب آپ نے آٹے،چینی اور گندم کی رپورٹ اسی لیے واپس کی کیوں کے اس میں بنی گالا آنے والے افراد ملوث تھے۔ایک بیان میں انہوںنے کہاکہ ایک بار پہر عمران خان نے آٹا،چینی اور گندم تحقیقات میں اے ٹی ایم اور خسروبختیار کو بچالیا۔ انہوںنے کہاکہ
عمران خان صاحب آپ نے آٹا،چینی اور گندم کی تحقیقاتی رپورٹ اعتراض لگاکر واپس کیوں کی۔ انہوںنے کہاکہ رپورٹ اعتراض لگاکر واپس کرنے کی بجائے مننظرعام پر لاتے،جو شخص مہنگائی پر کنٹرول اور ملوث افراد کیخلاف کارروائی نہیں لے سکتا اسے کرسی پر رہنے کا کوئی حق نہیں۔ انہوںنے کہاکہ عمران خان نے مہنگائی سے ملک کی عوام چیخیں نکال دیں ہیں۔
