اسلام آباد(مانیٹرنگ ڈیسک)ترک صدر کا دورہ پاکستان سے دو طرفہ تجارتی حجم میں 5ارب ڈالر تک اضافہ بڑھایا جا سکتا ہے ۔ تفصیلات کے مطابق پاکستان بزنس کمیونٹی نے ترک صدر طیب اردوان کے دورہ پاکستان کو ویلکم کیا ہے اور کہا ہے کہ ان دورہ سے پاک ترک دو طرفہ تجارت کا حجم 5ارب ڈالر تک بڑھایا جا سکتا ہے ۔ترکی صدر کا دورہ تجارتی و معاشی تعاون کے فروغ میں

اہم سنگ میل ثابت ہوگا، ترکی کیلئے پاکستان میں پاورسیکٹر، تیل اور گیس کی دریافت، لیدر انڈسٹری، کھیلوں کے سامان، آٹو پارٹس سمیت دیگر شعبوں میں وسیع مواقع موجود ہیں۔ دوسری جانب حکومت اور اپوزیشن نے پارلیمنٹ کے مشترکہ اجلاس اور ترک صدر کے خطاب کے در ان ایوان ماحول میں خوشگوار رکھنے پر اتفاق کیا ہے۔ ذرائع کے مطابق اسپیکر قومی اسمبلی اسد قیصر جمعہ کو ایوان کا ماحول خوشگوار رکھنے کیلئے متحرک دکھائی دیئے اس سلسلے میں اسد قیصر کی زیر صدارت اہم مشاورتی اجلاس ہوا جس میں سید نوید قمر، خواجہ آصف، رانا تنویر، احسن اقبال، سنیٹر جاوید عباسی اور شاہدہ اختر علی جبکہ حکومت کی جانب سے وفاقی وزیر سنیٹر اعظم سواتی، وزیر پارلیمانی امور علی محمد خان اور چیف وہپ عامر ڈوگر موجودتھے۔اسپیکر نے کہاکہ معزز مہمانوں کی آمد کے پیش نظر ایوان کا ماحول خوش آئند رکھنے کا خواہش مند ہوں اپوزیشن اراکین نے شکوہ کیا کہ وفاقی وزرا مراد سعید اور عمر ایوب نے تقاریر میں سخت زبان استعمال کی۔یاد رہے کہ قومی اسمبلی میں مہنگائی کے معاملہ پر بحث کے دوران حکومت و اپوزیشن میں صورتحال انتہائی کشیدہ ہوگئی تھی۔