لاہور(این این آئی) میٹرو بس اور سپیڈو بس کے ملازمین کو تین ماہ سے تنخواہوں کی ادائیگی نہ ہو سکی۔ بتایا گیا ہے کہ میٹروبس اور سپیڈو بس سروس کے 500 سے زائد ملازمین گزشتہ تین ماہ سے بغیر تنخواہ کے کام کرنے پر مجبور ہیں۔ ملازمین نے دھمکی دی ہے کہ اگر تنخواہوں کی ادائیگی نہ کی گئی
تو کام چھوڑ ہڑتال کر دیں گے۔جنرل مینیجر آپریشن پنجاب ماس ٹرانزرٹ اتھارٹی عزیر شاہ کے مطابق نجی کمپنی نے پیسے ادا کرنے ہیں اسے نوٹس بھجوادیا ہے، نجی کمپنی کے ساتھ معاہدہ ختم ہونے سے ادائیگیاں تاخیر کا شکارہوئیں،کمپنی کے ساتھ معاہدے کی تجدید کے لئے بھی جلد ملاقات ہو گی۔
