لاہور(این این آئی)وزیراعلی پنجاب سردار عثمان بزدار کے سابق ترجمان ڈاکٹر شہباز گل کو اہم ذمہ داری سونپ دی گئی۔ وفاقی وزرا ء کے پی آر اوز کے ساتھ کل منگل کو اہم میٹنگ بھی طلب کر لی۔تفصیل کے مطابق ڈاکٹر شہباز گل جو کچھ عرصہ قبل وزیراعلی پنجاب سردار عثمان بزدار کے بطور ترجمان خدمات سر انجام دے چکے ہیں انہیں وفاقی حکومت کی جانب

سے اہم ذمہ داری سونپ دی گئی ہے۔شہباز گل وفاقی وزرا کے پی آر اوز کے ساتھ کل منگل کے روز کو میٹنگ کریں گے۔ جاری کردہ مراسلے میں لکھا گیا ہے کہ تمام پی آر اوز اپنے متعلقہ محکمے کے اگلے تین ماہ تک کے ایونٹس کی تفصیلات ساتھ لائیں۔ڈاکٹر شہباز گل کی منظوری کے بعد تمام پی آر اوز کی میٹنگ کا نوٹیفیکیشن جاری کر دیا گیا۔

موضوعات:ڈاکٹر شہباز گل