لاہور(این این آئی) پنجاب فوڈ اتھارٹی نے مضر صحت ناقص نمکو اورسنیکس تیارکرنے والی 4 فیکٹریاں پکڑکر 32 من ناقص مال تلف کر دیا جس میں 900 کلو مضر صحت ناقص نمکو،200 کلوپکوڑیاں، 100کلو چپس،80 کلو سویاں سمیت کھلے رنگ اور مصالحہ جات شامل ہیں۔ڈی جی فوڈ اتھارٹی عرفان میمن کی ہدایت پر چھاپہ مار ٹیم نے ڈوھلنوال مین بازار، علامہ اقبال ٹاؤن مین معروف حاجی نواز نمکو، جھولے لعل نمکو پکوڑیاں، حاجی صاحب نمکو پکوڑیاں

اور بی ایم نمکو فیکٹری کو سیل کر دی۔ڈی جی فوڈ اتھارٹی عرفان میمن کے مطابق غلط لیبلنگ، جعلی پیکنگ اور خام مال کا ریکار ڈ بھی عدم موجود پایا گیا۔استعمال شدہ آئل، کھلے ملاوٹی مصالحہ جات، ناقص بیسن سے تیار نمکو صحت کے لیے انتہائی مضر ہے۔زیادہ منافع کمانے کے لالچ میں ناقص خام مال سے خوراک تیار کرنا سنگین جرم ہے۔ انہوں نے کہا کہ خلاف ورزی کرنے والوں کی پنجاب میں کوئی جگہ نہیں۔