اسلام آباد (این این آئی)محکمہ موسمیات نے کہا ہے کہ آئندہ 24 گھنٹوں کے دوران  اسلام آباد اور راولپنڈی سمیت  ملک کے بیشترعلاقوں میں موسم سرد اور خشک رہے گا ، شمالی بلوچستان ،بالائی خیبر پختونخوا ،کشمیر اور گلگت بلتستان میں رات کے اوقات میں بارش اور پہاڑوں پر برف باری کا امکان ہے۔محکمہ موسمیات کے مطابق گذشتہ 24 گھنٹے کا

موسم ملک کے بیشتر علاقوں میں موسم سرد اور خشک رہا جبکہ شمالی بلوچستان،بالائی خیبر پختونخوا ،کشمیر اور گلگت بلتستان میں شدیدسردرہا۔ کم سے کم درجہ حرارت سکردومیں منفی 18، استور  منفی 12،گوپس منفی 11،کالام منفی 10، بگروٹ منفی 09،پاراچنار منفی 07،ہنزہ منفی 06 اور گلگت میں منفی05 ڈگری سینٹی گریڈ ریکارڈ کیا گیا۔‎