اسلام آباد (این این آئی)وزیر اعظم عمران خان نے کہا ہے کہ صوبائی حکومت عدالتی فیصلے پر فوری عمل درآمد کرے،حقائق کا عوام کے سامنے آنا ضروری ہے۔ ذرائع کے مطابق وزیراعظم عمران خان سے وفاقی وزیرعلی زیدی نے ملاقات کی جس میں عزیربلوچ،نثارمورائی،سانحہ بلدیہ رپورٹس جاری کرنے کے عدالتی حکم پر بات چیت کی گئی ۔ وفاقی وزیر علی زیدی نے چیف سیکرٹری سندھ کو لکھے گئے خط کے بارے میں آگاہ کیا۔ علی
زیدی نے کہاکہ چیف سیکرٹری سے سندھ ہائیکورٹ کیحکم کیمطابق کاپی فراہمی کی درخواست کی ہے۔ وفاقی وزیر نے کہاکہ درخواست پر عمل نہ ہوا تو توہین عدالت کی کاروائی شروع کریں گے۔ ذٓرائع کے مطابق وزیراعظم نے بھی جے آئی ٹی رپورٹس منظر عام پر لانے کے عدالتی فیصلے کی حمایت کی ۔ وزیر اعظم نے کہاکہ صوبائی حکومت عدالتی فیصلے پر فوری عمل درآمد کرے،حقائق کا عوام کے سامنے آنا ضروری ہے۔
