راولپنڈی(این این آئی) ایف بی آر کو منشا فیملی کے تین ممبرز کی جائیداد اور بینک اکاؤنٹس عارضی طور پر قرق کرنے کی اجازت دے دی گئی۔کسٹم، ٹیکسیشن اور اینٹی سمگلنگ کی خصوصی عدالت کے جج محمد اختر بہادر نے تحریری حکم نامہ جاری کر دیا۔عدالت نے تفتیشی افسریاسر علی شاہ کو ملزمان سے اینٹی منی لانڈرنگ ایکٹ کے تحت تفتیش کی
اجازت بھی دی۔تفتیشی افسر کو عمر حسن منشا، حسن منشا اور امل رضا منشا سے تفتیش کی اجازت دی گئی۔تفتیشی افسرنے سید اشفاق حسین نقوی ایڈووکیٹ کے ذریعے عدالت میں درخواست جمع کرائی تھی۔درخواست میں کہا گیا تھا کہ منشا فیملی کے ممبرز نے منی لانڈرنگ سے نومبر 2010 میں لندن میں سینٹ جیمز کلب اور ہوٹل کی خریداری کی۔
