لاہور (نیوز ڈیسک) وزیراعلیٰ عثمان بزدار کے حامی گروپ میں شامل تحریک انصاف کے رکن اسمبلی غضنفر عباس چھینہ نے تحریک انصاف چھوڑنے کی دھمکی دے دی، رکن اسمبلی غضنفر عباس چھینہ نے کہا کہ ہم بالکل ناراض ہیں کیونکہ ہمیں فنڈز نہیں مل رہے ہیں،انہوں نے قیادت کو دھمکی دیتے ہوئے کہا کہ
اگر فنڈز نہ ملے تو پھر پارٹی کو چھوڑ دیں گے۔انہوں نے کہا کہ آج اپنی مشاورت میں تمام چیزیں طے کر لیں گے۔ غضنفر عباس چھینہ کا کہنا تھا کہ ہم سے اپوزیشن سمیت کسی اور جماعت نے رابط نہیں کیا ہے۔ اگر فنڈز نہ دیے گئے تو اس صورت میں مستقبل بارے سوچنا پڑے گا۔
