اسلام آباد(آن لائن)پیپلز پارٹی پنجاب کے صدر قمر زمان کائرہ نے کہا ہے کہ عمران خان نے بڑے یو ٹرن لئے اب ایک نیا یو ٹرن لیں اور اقتدار چھوڑ کر اس دنیا میں چلے جائیں جہاں سے آئے تھے۔ وہ خالد گل اور ایڈون سہوترا کے زیر اہتمام ایک کارنر میٹنگ سے خطاب کر رہے تھے۔ اس موقع پر چوہدری اسلم گل، ملک عثمان،جمیل منج،عاصم محمود بھٹی،عاطف چودھری

بھی انکے ہمراہ تھے۔ جن قوتوں نے پی ٹی آئی کے چھوٹے غبارے میں زیادہ ہوا بھر تھی اب پریشان ہیں کہ انکا غبارہ پھٹ چکا ہے۔عوام تباہ حال ہیں اور معیشت کا بیڑہ غرق ہو چکا ہے۔گورنس برباد ہو چکی، ٹیکس نظام فیل ہو چکا، یہ ہم نہیں وفاقی وزیر پنجاب حکومت کی نا اہلی پر بیانات دے رہے ہیں. عمران خان اور پاکستان اب ایک ساتھ نہیں چل سکتے۔