گوجرانوالہ(آن لائن) تھانہ لدھیوالہ وڑائچ کے علاقہ میں 30سالہ خاتون نے مکان کی دوسری منزل سے چھلانگ لگا کر خود کشی کر لی ہے تفصیلات کے مطابق گزشتہ روز حسن ٹاؤن کی رہائشی 30سالہ خاتون صباء زوجہ جاوید نے اپنے رہائشی مکان کی دوسری منزل سے کود کر اپنی جان گنوابیٹھی بتایا جاتا ہے کہ متوفیہ کی 10سال قبل شادی ہوئی تھی اور بعدازاں گھریلو جھگڑوں پر اْسے طلاق ہوگئی تھی اور اْس کے 3بچے ہیں جو کہ اپنی والدہ کے ساتھ ہی رہتے تھے جبکہ اس

سلسلہ میں اہل علاقہ کے مطابق وہ یہاں کرایے پر رہتی تھی اور اْسکا ذہنی توازن ٹھیک نہیں رہتا تھا جبکہ ایس ایچ او لدھیوالہ وڑائچ نے بھی کہا کہ متوفیہ ذہنی طور پر ابنارمل تھی تاہم پولیس نے نعش کو قبضے میں لیکر ضروری قانونی کاروائی شروع کر دی ہے۔واضح رہے کہ بڑھتی ہوئی مہنگائی، بے روزگاری، گھریلو حالات اور جھگڑوں سے تنگ افراد خودکشی کرنے پر مجبور ہیں، ہرگزرتے دن کے ساتھ خود کشی کرنے والے افراد کی تعداد میں اضافہ ہوتا جا رہا ہے۔