اسلام آباد (این این آئی) مشیر خزانہ عبد الحفیظ شیخ کی زیر صدارت کابینہ کی نجکاری کمیٹی نے پانچ سرکاری جگہوں کو نجکاری لسٹ سے نکالنے کی منظور ی دید ی۔ منگل کو مشیر خزانہ عبدالحفیظ کی زیر صدارت کابینہ کی نجکاری کمیٹی کا اجلاس ہرا جس میں نجکاری کیلئے نامزد 32 سرکاری جائیداوں کی فہرست کمیٹی کو پیش کی گئی ۔ وزار ت خزانہ کے مطابق کمیٹی نے پانچ سرکاری جگہوں کو نجکاری لسٹ سے نکالنے کی منظوری دیدی۔
وزارت خزانہ نے بتایاکہ نجکاری لسٹ سے نکالی گئی سرکاری جہگیں اسلام آباد, لاہور اور کراچی میں ہیں۔ وزارت خزانہ کے مطابق نجکاری لسٹ سے نکالی گئی پانچ میں سے تین جائیدادیں نیا پاکستان ہاؤسنگ اتھارٹی کے حوالے کرنے کی منظوری دی گئی ،نجکاری سے نکالی گئی بقیہ دو جائیداوں کی جگہ متبادل فراہم کرنے کی منظوری دی گئی ۔
