اسلام آباد (این این آئی)حکومت اور اپوزیشن نئے چیف الیکشن کمشنر کی تعیناتی کے معاملے میں مزید نئے نام لانے پر متفق ہوگئے ہیں۔ذرائع کے مطابق چیف الیکشن کمشنر کی تقرری کے معاملے پر اپوزیشن اور حکومت نے اپنے نام واپس لے لئے ہیں اور دونوں چیف الیکشن کمشنر کیلئے نئے نام لانے
پر متفق ہو گئے ہیں۔ذرائع کے مطابق حکومت اور اپوزیشن دوبارہ نئے نام پارلیمانی کمیٹی کو ارسال کریں گے اور چیف الیکشن کمشنر کی تقرری سے متعلق پارلیمانی کمیٹی کا اجلاس آئندہ ہفتے متوقع ہے۔ذرائع کے مطابق حکومت نے چیف الیکشن کمشنر کیلئے نئے 8 ناموں کی فہرست تیار کر لی ہے۔
