اسلام آباد(مانیٹرنگ ڈیسک) کینیامیں قائم امریکی اور کینیا کی فوج کے مشترکہ عسکری اڈے پر حملہ،میڈیا رپورٹس کے مطابق جنگجو گروہ الشباب نے صومالیہ کی سرحد کے نزدیک لامو میں موجود منڈا ایئر سٹرپ پر حملہ کیا ہے جو ملٹری کیمپ کیساتھ ہی ہے ، وہاں کینیا اور امریکہ سمیت کئی ممالک کی افواج موجود ہوتی ہیں، آخری وقت تک لڑائی جاری ہے اور جنگجو ایئرسٹرپ سے بیس
تک رسائی حاصل کرنے کی کوشش کر رہے ہیں۔ بیس امریکی اور کینیائی فوجیں مل کر استعمال کرتی ہیں اور حملے میں امریکہ کےعسکری ہتھیار تباہ ہوگئے ہیں۔ابتدائی طورپر کسی جانی نقصان کے بارے میں معلومات تک رسائی نہیں ہوسکی اور نہ ہی جانی نقصان کے بارے میں الشباب نے کچھ ثبوت پیش کیے۔عینی شاہدین کے مطابق حملے کے بعد فضا میں دھویں کے سیاہ بادل دیکھے گئے ہیں۔