سرگودہا(این این آئی)الیکشن کمیشن پاکستان نے ووٹروں کی ابتدائی انتخابی فہرستیں جار ی کر دیں ۔ جس کی پڑتال کے لئے ووٹر اپنے ووٹ کے اندراج اور متعلقہ ڈسپلے سنٹر کی جگہ او رمقام کی معلومات کے حصول کیلئے اپنا شناختی کارڈ نمبر 8300 ایس ایم ایس کر سکتے ہیں۔زرائع کے مطابق ڈسٹرکٹ الیکشن کمیشن چوہدری ارشد علی نے کہا کہ ضلع سرگودہا میں کل 419ڈسپلے سنٹر قائم کئے گئے ہیں

جو زیادہ تر سرکاری سکولوں کی عمارتوں میں کام کر رہے ہیں ۔ووٹر اپنے ووٹ کے اندراج یا منتقلی کیلئے متعلقہ فارم بھر کر ان سنٹروں پر موجود ذمہ دار عملہ کو دیں تاکہ ان کی منشا کے مطابق ووٹ میں ضروری تبدیلی ممکن ہوسکے ۔ انہوں نے مزید بتایاکہ اندراج ‘ منتقلی ‘ اعتراض ‘ حذف او ردیگر تبدیلیوں کیلئے یہ فارم الیکشن کمیشن کی ویب سائٹ سے ڈاون لوڈ کئے جاسکتے ہیں۔‎