اسلام آباد(نیوزڈیسک )جاپان کے شہرتوشیم میں کیٹ کیفے کے بعد اب ایک نئی تھیم کا حامل کیفے بھی مقبولیت حاصل کر رہا ہے جس میں کیفے کے اندرمو جود درجن الّو آپ کو خوش آمدید کہیں گے۔اس نئے Owlتھیم کیفے میں تربیت یافتہ الّو وں کی خدمات لی گئی ہیں جو اس پورے کیفے میں جگہ ،جگہ بیٹھے کافی پینے کیلئے آنے والے افراد پر گہری نظر رکھتے ہیں۔اس کیفے کی خاصیت یہ بھی ہے کہ اس کے تھیم کی مناسبت سے اس میں چائے کے کپ،پلیٹس،بسکٹس اور ڈیکوریشن میں بھی الّو ہی کی شکل بنا ئی گئی ہے جہاں آنے والے افراد ان کے ساتھ تصاویر بنو اکر اس منفرد تجربے سے محظوظ ہو تے ہیں۔واضح رہے کہ اس سے قبل ٹوکیو میں بھی Owlکیفے متعارف کر وایا گیا تھا جس کی کامیابی کے بعد اب جاپان کے مختلف شہروں میں یہ کیفے کھولے جارہے ہیں۔