اسلام آباد(مانیٹرنگ ڈیسک) نواز شریف کا علاج برطانیہ کی بجائے امریکا سے کروانے کا امکان ۔ میڈیا رپورٹس کے مطابق سابق وزیراعظم کو ابتدائی علاج کیلئے لندن لے جایا جائے گا، بعد ازاں انہیں پلیٹ لیٹس کے علاج کیلئے امریکا منتقل کر دیا جائے گا۔ شریف خاندان کے ذرائع کی جانب سے بھی بتایا گیا ہے کہ سابق وزیراعظم نواز شریف کا علاج امریکا سے کروایا جائے گا۔دوسری جانب  نوازشریف کے

معالج ڈاکٹر عدنان نے کہاہے کہ نوازشریف آئندہ 48گھنٹوں میں لندن کیلئے روانہ ہوں گے۔ ٹویٹر پر دیئے گئے اپنے ایک بیان میں انہوں نے کہا نواز شریف کی حالت سفر کے قا بل ہوتے ہی وہ آئندہ اڑتالیس گھنٹوں میں لندن کیلئے روانہ ہوجائیں گے۔انہوں نے بتایا کہ مکمل طبی سہولیات سے آراستہ ایئرایمبولینس پر لندن جائیں گے۔ڈاکٹر عدنان کے مطابق نوازشریف کیلئے آنے والی ایئرایمبولینس جلد ہی پاکستان پہنچ جائےگی ۔