نئی دہلی(نیوزڈیسک) بھارت کی دہلی سے لندن جانے والی پرواز میں دوران سفر مسافر کو پیش کئے گئے کھانے سے چھپکلی برآمد ہونے پرمسافر نے کھانا کھانے سے انکارکردیا۔بھارت جس کے سر پر آج کل شدت پسندی کا بھوت سوار ہے اور پاکستانی کبوتر بھی جاسوس نظر آنے لگے ہیں اپنی ہی حدود میں ایک چھپکلی پر قابو نہ پا سکا، بھارتی میڈیا کے مطابق بھارتی فضائی کمپنی ائیرانڈیا کی پرواز اے آئی 111 میں دوران سفر جب مسافروں کو کھانا پیش کیا گیا تو اس دوران ایک مسافر کی ٹرے میں کھانے کے ساتھ چھپکلی بھی برآمد ہوئی جس پر مسافر نے عملے کی شکایت کرتے ہوئے ٹرے واپس کی۔طیارے کے عملے کی جانب سے مسافر کو متبادل ٹرے فراہم کئے جانے کی پیشکش کی گئی تاہم مسافر نے ائیر لائن کا کھانا کھانے سے انکار کردیا جس کی دیکھا دیکھی دیگر مسافروں نے بھی کراہیت محسوس کرتے ہوئے اپنا کھانا بھی چھوڑ دیا۔