جوہانسبرگ(آن لائن)جنوبی افریقہ میں جاری دوسری سرمایہ کاری کانفرنس نے 24.5 ارب ڈالر کان کنی ، مینوفیکچرنگ ، بنیادی ڈھانچے اور توانائی کے شعبوں میں سرمایہ کاری کے لئے مختص کر دیئے ۔اس سرمایہ کاری کی مدد سے روانڈا کی معاشی نمو بحال اور بے روزگاری کے مسائل سے نمٹنے میں مدد ملے گی۔چین کے قومی خبر رساں ادارے کے مطابق جوہانسبرگ کے سینڈٹن کنونشن سنٹر میں شراکت داری کے ذریعہ معاشی نمو میں تیزی لانے کے موضوع پر یہ کانفرنس میں جنوبی افریقہ کے صدر سیرل ریمفوسا نے بتایا کہ اندازہ ہے کہ اس سرمایہ کاری کے نتیجے میں آئندہ پانچ سالوں میں 4 لاکھ 12ہزار کے قریب

ملازمتوں کے براہ راست مواقع پیدا ہوں گے جو ہمارے لئے نہایت حوصلہ افزا بات ہے ۔نیو ڈویلپمنٹ بنک کے چیف فنانشل آفیسر لیسلی ماسورپ نے اس موقع پر کہا کہ بنک ملک میں تیل ، توانائی ، اپ گریڈ بندرگاہوں اور آبی منصوبوں کے لئے سرمایہ کاری کریگا۔ کاغذ بنانیوالی کمپنی سیپی نے ملک کے 2 صوبوں وازولو نٹل اور ایمپولنگا میں قائم چار منصوبوں میں 14 ارب رینڈ (944 ملین ڈالر) کی سرمایہ کاری کرنے کا وعدہ کیا ہے جبکہ ٹیلی مواصلات کمپنی ایم ٹی این نے کہا ہے کہ وہ ڈیجیٹل انفراسٹرکچر کی تشکیل اور جائیدادوں کی تعمیر میں مدد دینے کیلئے اگلے پانچ سالوں میں سالانہ 10 بلین رینڈ کی سرمایہ کاری کرے گی ۔