اسلام آباد(آن لائن) اسلام آباد پولیس اور رینجرز کی جانب سے امن و امان کی صورتحال برقرار رکھنے کیلئے ایس پی سٹی زون عامر خان نیازی کی قیادت میں فلیگ مارچ کیا گیا۔ ترجمان اسلام آباد پولیس کے مطابق فلیگ مارچ کا مقصد لاءاینڈ آرڈر کی کسی بھی ممکنہ صورتحال کے پیش نظر کیا جا رہاہے۔ترجمان اسلام آباد پولیس نے بتایاکہ اسلام آباد پولیس ہر قسم کے ہنگامی صورتحال سے
نمٹنے کیلئے تیار ہے،مختلف مقامات پر پولیس کی بھاری نفری تعینات کردی گئی ہے۔ترجمان اسلام آباد پولیس نے بتایاکہ پولیس ہائی الرٹ ہے اور افسران و جوانوں کا مورال بلند ہے، اسلام آباد شہریوں کی جان و مال کے تحفظ کے لیے تمام تر ضروری اقدامات اٹھائے جا رہے ہیں۔ترجمان اسلام آباد پولیس کے مطابق کسی بھی شخص کو قانون ہاتھ میں لینے کی ہرگز اجازت نہیں دی جائے گی
