اسلام آباد (مانیٹرنگ ڈیسک) پیمرا نے اینکرز کو دوسرے شوز پر بطور تجزیہ کار پابندی عائد کر دی، یہ ٹویٹ معروف اینکر منصور علی خان نے کیا اور انہوں نے ساتھ لیٹر بھی جاری کیا، جس پر معروف صحافی حامد میر نے اپنے ٹویٹ میں کہا کہ پیمرا اینکرز کو ڈکٹیشن دے کر کہ وہ بطور تجزیہ کار دوسرے ٹی وی شوز میں نہ جائیں آزادی اظہار رائے کے قانون کا مذاق اڑا رہا ہے،
حامد میر نے مزید کہا کہ میں تین دہائیوں سے صحافتی شعبے سے منسلک ہوں لہٰذا مجھے حق حاصل ہے کہ میں اپنی رائے کا اظہار اپنے کالم یا کسی دوسرے ذریعے سے کر سکتا ہوں، انہوں نے کہا کہ میں جانتا ہوں یہ پیمرا نہیں بلکہ کوئی اور ناراض ہے کیونکہ اینکرز اس کی سن نہیں رہے۔ واضح رہے کہ گزشتہ روز اسلام آباد ہائی کورٹ میں شہباز شریف کی درخواست پر میاں نواز شریف کی طبی بنیادوں پر عبوری ضمانت منظور ہوئی، اس موقع پر عدالت میں ڈیل کی باتیں کرنے والے اینکرز کو بھی طلب کیا گیا، عدالت میں پانچوں اینکرزکا نام پکارا گیا کہ ہمارے قابل احترام اینکرزآئے ہیں؟ جس پر سینئر صحافی اوراینکرزحامدمیر، کاشف عباسی، سمیع ابراہیم، محمد مالک اور عامرمتین عدالت کے سامنے پیش ہوئے۔چیف جسٹس اطہرمن اللہ نے کہا کہ سمیع ابراہیم بتائیں ڈیل کس کی ہے؟ کیا وزیراعظم نے ڈیل کی ہے؟ یہ کہنا کہ ہوسکتا ہے ڈیل ہورہی ہے، عدلیہ بات درست نہیں، ہمارے بغیر کوئی ڈیل نہیں کرسکتا۔ اللہ کا حکم ہے سنی سنائی بات کو آگے مت کرو۔ آپ عسکری اداروں اور منتخب وزیراعظم کو بھی بدنام کررہے ہیں۔ہرادارے میں اچھے برے لوگ ہوتے ہیں۔چیف جسٹس نے ریمارکس دیے کہ ہم جو بھی فیصلہ دیتے ہیں پنڈوراباکس کھل جاتا ہے۔طویل عرصے سے ڈیل کی باتیں سن رہے ہیں۔ ڈیل کی باتوں پر بڑے تحمل کا مظاہرہ کیا، کیس کا فیصلہ بات میں آتا ہے لیکن میڈیا ٹرائل پہلے شروع ہوجاتا ہے۔ کیا عدلیہ اس ڈیل کا حصہ ہے؟
اسلام آباد ہائیکورٹ کے کسی جج پر کوئی اثر انداز نہیں ہوسکتا۔ اس موقع پر عدالت نے محمد مالک نے بات کرنے کی کوشش کی توعدالت نے چپ کروادیا، جسٹس محسن اختر نے کہا کہ آپ اپنی ٹون ٹھیک کریں۔عدالت نے اینکرپرسنز سے تحریری جواب طلب کرلیا۔ جسٹس محسن اختر نے کہا کہ جو بات ریڑھی والا کرتا ہے وہی بات ٹی وی پر ہورہی ہوتی ہے۔ ملک اس لیے حاصل نہیں کیا کہ اس طرح حشربنایا جائے۔ چیف جسٹس نے پیمرا کی بھی کلاس لی۔ انہوں نے کہا کہ بتائیں پیمرا نے کن کے خلاف ایکشن لیا؟
Pemra is making fun of our laws by dictating anchors not to appear as experts in TV shows I am a journalist since last 3 decades I have the right to express my opinion through my column or any other way I know it’s not Pemra someone else is angry why anchors not listening him https://t.co/w0tMWKIgaN
— Hamid Mir (@HamidMirPAK) October 27, 2019
