ملتان (این این آئی)وزیر خارجہ شاہ محمود قریشی نے کہا ہے کہ مسلم لیگ ن کے قانونی صدر شہباز شریف کہتے ہیں ان کی رائے  میں دھرنا غلط ہے،یہ دھرنا نہیں دینا چاہیے،دھرنے کی سیاست کے پیچھے کے مقاصد کچھ اور ہیں،شہباز شریف نے کیپٹن (ر) صفدر کے بیان کا بھی برا منایا،بلاول بھٹو زرداری کو آج کیوں دھرنے کی ضرورت پڑ گئی؟ آپ کس کے اشارے پر دھرنے کی حمایت کررہے ہیں؟2014ء کے دھرنے میں آپ کو جمہوریت خطرے میں نظر آرہی تھی،

اب کیوں نظر نہیں آرہی ہے؟،27 اکتوبر کو بھی بھارتی عزائم کو پوری دنیا کے سامنے بے نقاب کریں گے۔ جمعہ کو یہاں میڈیا سے گفتگو میں شاہ محمود قریشی نے کہاکہ دھرنے کی سیاست کے پیچھے کے مقاصد کچھ اور ہیں،شہباز شریف نے کیپٹن (ر) صفدر کے بیان کا بھی برا منایا۔انہوں نے کہا کہ مسلم لیگ ن کا ایک دھڑا چاہتا ہے مولانا فضل الرحمن کے دھرنے میں شامل ہوا جائے۔وزیر خارجہ نے کہا کہ بلاول بھٹو زرداری کو آج کیوں دھرنے کی ضرورت پڑ گئی؟ آپ کس کے اشارے پر دھرنے کی حمایت کررہے ہیں؟شاہ محمود قریشی نے استفسار کیا کہ 2014ء کے دھرنے میں آپ کو جمہوریت خطرے میں نظر آرہی تھی،اب کیوں نظر نہیں آرہی ہے؟،کیا آج جمہوریت کے ڈی ریل ہونے کا خدشہ نہیں ہے؟ میڈیا سمیت ہر شخص جانتا ہے کہ مولانا فضل الرحمٰن کے دھرنے کی سیاست کے پیچھے مقاصد کچھ اور ہیں۔انہوں نے کہاکہ مولانا فضل الرحمن نے کشمیر کے ساتھ اظہار یکجہتی کیلئے 27 تاریخ کا انتخاب کیا جبکہ اس دن تو یوم سیاہ منایا جانا چاہیے کیونکہ اس تاریخ کو بھارتی فورسز نے مقبوضہ کشمیر میں پیش قدمی کی۔انہوں نے کہاکہ 27 اکتوبر کو بھی بھارتی عزائم کو پوری دنیا کے سامنے بے نقاب کریں گے۔وزیر خارجہ نے کہاکہ برطانوی شاہی جوڑا خیر سگالی کے دورے پر 14 اکتوبر کو پاکستان آ رہا ہے۔