اسلام آباد (این این آئی)پاکستان نے بھارتی وزارت خارجہ کی وزیراعظم عمران خان کے کشمیر بارے بیانات پر ردعمل کو مسترد کرتے ہوئے کہا ہے کہ بھارتی بیانات مقبوضہ کشمیر میں بھارتی ریاستی دہشت گردی کی عکاسی کرتے ہیں،بھارتی جبر سے متاثر کشمیریوں کے لئے آواز اٹھانا ہماری عالمی ذمہ داری اور اخلاقی ذمہ داری ہے،
بھارت اپنی انتہاپسندانہ نظریات اور غالبانہ بالادستی کے خواب کے وجہ سے سچ کا سامنا کرنے سے گریزاں ہے۔ ایک بیان میں ترجمان دفتر خارجہ نے کہاکہ بھارتی وزارت خارجہ کی وزیراعظم عمران خان کے کشمیر بارے بیانات پر ردعمل کو مسترد کرتے ہیں۔انہوں نے کہاکہ بھارتی بیانات مقبوضہ کشمیر میں بھارتی ریاستی دہشت گردی کی عکاسی کرتے ہیں۔انہوں نے کہاکہ بھارتی جبر سے متاثر کشمیریوں کے لئے آواز اٹھانا ہماری عالمی ذمہ داری اور اخلاقی ذمہ داری ہے۔انہوں نے کہاکہ بھارت اپنی انتہاپسندانہ نظریات اور غالبانہ بالادستی کے خواب کے وجہ سے سچ کا سامنا کرنے سے گریزاں ہے۔انہوں نے کہاکہ اپنے بالادستی پر مبنی طرز عمل کے برعکس بھارت خود کو ایک نارمل ریاست ثابت کرنا چاہتاہے۔انہوں نے کہاکہ بھارت دنیا کو بتائے کہ کیوں ایک نارمل ریاست میں 80 لاکھ افراد محصور رکھے ہیں۔انہوں نے کہاکہ دو ماہ سے زائد عرصے سے مقبوضہ کشمیر کے لاکھوں افراد کھلے پنجرے میں بند ہیں۔انہوں نے کہاکہ لاکھوں کو محصور کرکے ‘ہر چیز ٹھیک ہے’ کا تاثر اور دعوی کس کو دکھانے کیلئے ہے۔انہوں نے کہاکہ کون سی نارمل ریاست میں سیاسی اور انتہاپسند جتھوں کو گائے ذبحیہ کے نام پر تشدد کرکے قتل کرنے کی کھلی اجازت ہے۔انہوں نے کہاکہ کس نارمل ریاست میں ‘گھر واپسی’ اور ‘لو جہاد’ کو ہوا دی جاتی ہے۔انہوں نے کہاکہ بھارت سفارتکاری اور نارمل حالات بارے اپنے بھاشن اپبے پاس رکھے
