نیویارک (این این آئی)اداکارہ و سپر ماڈل عائشہ عمر یوں تو اپنے انداز کی وجہ سے ہمیشہ ہی شائقین کی توجہ کا مرکز رہتی ہیں، تاہم کچھ دن قبل اداکارہ کی جانب سے شیئر کی گئی تصاویر پر ان کے مداح ان سے ناراض دکھائی دیئے لیکن پاکستانی ٹی وی چینلز مکمل طور پر خاموشی دکھائی دیئے۔

کئی صارفین کا کہنا ہے کہ گزشتہ دنوں کے پی کے میں دوپٹہ اوڑھنے کے حوالے سے حکومتی بیان کے بعد کے پی کے حکومت پر تابڑتوڑ حملے کرنے والے میڈیا ہائوسز کی عائشہ عمر کی میلے میں بولڈ انداز اپنانے پر مکمل خاموشی لمحہ فکریہ ہے لگتا ہے ان میڈیا ہائوسز کو سانپ سونگھ گیا ہے-عائشہ عمر نے امریکی ریاست نیواڈا کے صحرا میں ہر سال منعقد ہونے والے اچھوتے میلے ’برننگ مین‘ میں بنوائی گئی تصاویر کو انسٹاگرام پر شیئر کیا تو ان کے مداحوں نے ان پر تنقید کی۔عائشہ عمر نے ’برننگ مین‘ میں بنوائی گئی چند تصاویر کو انسٹاگرام پر شیئر کیا اور میلے میں پاکستانی نمائندگی کرنے پر فخر کا اظہار کیا۔صارفین کے مطابق پردے کا حکم تو قرآن حکیم میں واضح طور پر آیا ہے لیکن ہمارا میڈیا پردے کے حکم پر سیخ پا ہو جاتا ہے جبکہ بے حیائی جتنی بھی اس پر خاموش رہتا ہے جو پاکستان اور پاکستانی قوم کیلئے لمحہ فکریہ ہے-عائشہ عمر کی تصاویر کو اگرچہ ہزاروں افراد نے لائیک کیا، تاہم کچھ مداحوں نے امریکی میلے میں ان کے انتہائی بولڈ انداز پر ناراضی کا اظہار بھی کیا اور کہا کہ اداکارہ کا ایسا بولڈ انداز پاکستان کی درست نمائندگی نہیں کرتا۔مداحوں کی تنقید سے بچنے کے لیے عائشہ عمر نے اپنی تصاویر پر کمنٹس کا آپشن بند کردیا، تاہم پھر بھی ان کی ایک تصویر پر مداحوں نے کمنٹس میں ناراضی کا اظہار کیا اور کہا کہ اداکارہ کو اس قدر بولڈ انداز نہیں اپنا چاہیے تھا۔اداکارہ کی جانب سے شیئر کی گئی تصاویر میں انہیں بولڈ انداز میں دیکھا جاسکتا ہے۔