اسلام آباد (نیوزڈیسک)سیکرٹری خارجہ اعزاز احمد چوہدری نے کہا ہے کہ داعش کی پرتشدد انتہا پسندی کو ملکر روکنے اور دہشتگردی سے نمٹنے میں پاکستان اور امریکہ کے مفادات مشترک ہیں .افغانستان مےں استحکام پاکستان اور امریکا دونوں کے مفاد میں ہے .خطے میں استحکام اور سلامتی سے نہ صرف امریکا .پاکستان بھی مستفید ہوگا۔ اٹلانٹک کونسل کے زیر اہتمام تقریب سے خطاب میں سیکرٹری خارجہ نے کہا کہ داعش کی پرتشدد انتہا پسندی کو ملکر روکنے اور دہشت گردی سے نمٹنے میں پاکستان اور امریکا کے مفادات مشترک ہیں ۔ خطے میں استحکام اور سلامتی سے نہ صرف امریکا بلکہ پاکستان بھی مستفید ہوگا۔ پاک امریکا تعلقات مستحکم ہو رہے ہیں اور مستقبل میں یہ مزید مستحکم ہوں گے۔ ماضی میں جب بھی پاکستان اور امریکا نے ملکر کام کیا دونوں ممالک کو فائدہ ہوا۔ انہوں نے کہا کہ آپریشن ضرب عضب اہم مرحلے میں ہے اس آپریشن کا مقصد اپنے ملک کو دہشت گردوں سے پاک کرنا ہے۔ یہ آپریشن پاکستان کی ایک بڑی کامیابی ہے اور اس کے دوران شمالی وزیرستان اور خیبر ایجنسی کے 90 فیصد علاقے کو کلیئر کرالیا گیا ہے آپریشن کے دوران تحریک طالبان پاکستان کے بنیادی ڈھانچے کوشدید نقصان پہنچایا گیا اور اس کی قیادت افغانستان میں مفرور ہیں۔ گزشتہ سال کے دوران القاعدہ کے باقی ماندہ متعدد رہنما مختلف کارروائیوں میں ہلاک کردیئے گئے اس وقت دشوار ترین علاقوں میں کارروائیاں جاری ہیں ۔ قانون نافذ کرنے والے اداروں نے اقلیتوں اور سول سوسائٹی کے خلاف دہشت گردی کی کارروائیوں میں ملوث کالعدم گروہوں کے کئی ارکان کو گرفتار کیا اور دہشت گردوں کے کئی خفیہ سیل تباہ کردیئے ‘ سیکرٹری خارجہ نے کہا کہ پاک امریکا شراکت کی بنیادیں مضبوط ہیں ‘ انہوں نے پاکستان میں کئی شعبوں کے لئے دی گئی امریکی امداد پر شکریہ ادا کرتے ہوئے کہا کہ امریکی کانگرس نے پاکستان کو چیلنجوں سے نمٹنے میں مدد دی ہے امریکہ نے پاکستان میں بجلی کی پیداوار میں 1400 میگا واٹ اضافے میں مدد کی یو ایس ایڈ پاکستان کےلئے فل برائٹ سکالر شپ پروگرام مےں مدد کررہا ہے ‘ فاٹا جیسے دور دراز علاقوں میں انفراسٹرکچر کی ترقی کےلئے امریکی امداد کے ان علاقوں مےں اقتصادی ترقی کے حوالہ سے پائیدار اثرات مرتب ہوں گے فاٹا مےں انسداد دہشت گردی کے حوالہ سے کامیابیوں میں بھی امریکی امداد کا اہم کردار ہے۔ انہوں نے پاکستان کے لئے امداد پر امریکی کانگرس اور امریکی عوام کا شکریہ ادا کیا۔