اسلام آباد (این این آئی)وزیر تعلیم شفقت محمود نے کہاہے کہ وزیراعظم نے اسد عمر کے استعفے سے متعلق کابینہ سے مشورہ نہیں کیا اور نہ ہی اس معاملے پر کابینہ کو اعتماد میں لیا۔وزیر تعلیم شفقت محمود نے نجی ٹی وی سے بات چیت کرتے ہوئے بتایا کہ اسد عمر کے استعفے سے متعلق انہیں

صبح تک بھی کوئی اطلاع نہیں تھی۔شفقت محمود نے کہا کہ اسد عمر کے استعفی اور وزارت تبدیل کرنے کی بات وزیر اعظم نے ہم سے شیئر نہیں کی تھی۔انہوں نے اس خیال کا بھی اظہار کیا کہ اسد عمر کے استعفے کے حوالے سے انہیں تو کیا بلکہ فواد چوہدری کو بھی علم نہیں تھا۔