لاہور( این این آئی) وفاقی کابینہ میں رد وبدل کا مرحلہ مکمل ہونے کے بعد پنجاب کابینہ میں بھی تبدیلی کی باز گشت سنی جارہی ہے ۔ذرائع کے حوالے سے بتایا گیا ہے کہ پنجاب کابینہ کے بعض وزراء کی کارکردگی کے حوالے سے بھی تحفظات کا اظہار کیا جا چکا ہے ۔ ذرائع کے مطابق
کچھ وزراء سے محکموں کے قلمدان واپس لئے جانے جبکہ بعض وزراء کے قلمدان تبدیل کئے جانے کا امکان ہے ۔ ذرائع کے مطابق وفاقی کابینہ میں ردو بدل کا مرحلہ مکمل ہونے پر پنجاب کابینہ میں بھی تبدیلی کی جائے گی تاہم اس کا حتمی فیصلہ وزیراعظم عمران خان کریں گے۔
