اسلام آباد (این این آئی)پاکستان مسلم لیگ (ن)کے رہنمامشاہد اللہ خان نے کہا ہے کہ وزیر اعظم اور حکومت فیل ہو چکی ہے ، اسد عمر کچھ نہیں کر سکے تو باقی مانگے تانگے کے لوگ ہیں ، سیکرٹری خزانہ کی نااہلی کے باعث ملازمین احتجا ج پر ہیں،آئی ایم ایف سے حالات مزید بگڑ جائیں گے، عوام کو مزید نقصان اٹھانا پڑے گا ۔مسلم لیگ( ن) کے رہنما مشاہد اللہ نے میڈیا سے گفتگو کرتے ہوئے کہاکہ وزیراعظم اور حکومت فیل ہوچکی ہے۔انہوں نے کہاکہ اسد عمر پارٹی کے اہم ترین آدمی تھے۔ مشاہد اللہ نے کہاکہ

اسد عمر کچھ نہیں کر سکے تو باقی تو مانگے تانگے کے لوگ ہیں۔انہوں نے کہاکہ ہر چیز آوٹ آف کنٹرول ہو چکی ہے،وزیر اور سیکرٹری خزانہ دونوں فلاپ ہو چکے ہیں۔انہوں نے کہاکہ سیکرٹری خزانہ اسٹیٹ لائف کے ملازمین کے مسائل حل نہ کرو اسکے۔انہوں نے کہاکہ سیکرٹری خزانہ بھی نااہل آدمی کو لگایا گیا ہے۔انہوں نے کہاکہ سیکرٹری خزانہ کی نااہلی کے باعث ملازمین احتجا ج پر ہیں۔انہوں نے کہاکہ آئی ایم ایف سے حالات مزید بگڑ جائیں گے۔انہوں نے کہاکہ عوام کو مزید نقصان اٹھانا پڑیگا۔