لاہور (این این آئی)دنیا بھر کی طرح پاکستان میں صحت کا عالمی دن منایاگیا ۔تفصیلات کے مطابق پاکستان سمیت دنیا بھر میں صحت سے متعلق آگاہی کی تقریبات کا اہتمام کیا گیا تا کہ سب کے لئے صحت کو جلا مل سکے اور عالمی ادارہ صحت کے اہداف کی تکمیل ممکن ہو سکے۔صحت کا عالمی دن 1948 ء میں عالمی ادارہ صحت کے
قیام کی سالگرہ کے موقع پر منایا جاتا ہے۔ یہ دن ہر معاشرے میں موجود افراد کو ان سرگرمیوں میں شمولیت کا ایک موقع فراہم کرتا ہے جو بہتر صحت کی جانب لے جا سکیں۔ 2014 میں یہ دن مختلف کیڑوں میں موجود بیکٹریا اور وائرسز کے ذریعے پھیلنے والی بیماریوں، مثلاً ملیریا اور ڈینگی، کو عوامی صحت کے لیے ایک ترجیحاتی موضوع کے طور ظاہر کرنے پر مرکوز تھا۔
