کراچی(آن لائن)چیف سیکریٹری سندھ سید ممتاز علی شاہ نے کہا ہے کہ حکومت نے سرمایا کاری کرنے والوں کے لئے 5 سال کیلئے ٹیکس ختم کیا گیا ہے اور باہر سے مشینری منگوانے کیلئے کسٹم فری سہولت کا بھی اہتمام کیا گیا ہے۔ وہ بدھ کے روز ہالینڈ کے سفیر اردی اسٹوائس بریکن سے گفتگو کر رہے تھے

جنہوں نے میری ٹائیم اور ہالینڈ کے صنعتکاروں کے وفد کے ہمراہ چیف سیکریٹری سندھ سے ملاقات کی۔ سید ممتاز علی شاہ نے واضح کیا کہ سندھ قدرتی وسائل، ہنرمند افراد اور 2 بندرگاہوں سے مالامال صوبہ ہے۔ جبکہ پاکستان چائینہ اقتصادی راہداری کی وجہ سے صوبے میں سڑکوں کی تعمیر نو ہوئی ہے۔ انہوں نے مزید کہا کہ پورٹ قاسم ,۔ کورنگی اور دہابیجی میں اسپیشل اکانامک زون بھی صنعتکاری کے فروخت کیلئے موثر کردار ادا کر رہے ہیں۔ چیف سیکریٹری سندھ نے مزید کہا کہ سندھ صوبے میں ہالینڈ کے متعدد کمپنیاں کئے عشروں سے سرمایاکاری کر رہے ہیں جب کہ کراچی میں غیر ملکی سرمایاکاری کہ لئے بہترین ماحول بنایا جارہا ہے۔ صوبے میں سرمایاکاروں کی سہولت کے لیے ون ونڈو سہولت کا آغاز کیا جارہا ہے جہاں سے کاروبار شروع کرنے کیلئے تمام تفصیلات اور مسائل کو حل میں بھی مدد ملے گی۔ اس دوران ہالینڈ کی سفیر نے کہا کہ سندھ میں ہالینڈ کے کئے کمپنیاں دلچسپی لے رہی ہیں اور ون ونڈو سہولت کے آغاز کہ بعد سرمایاکاری میں اضافہ ہوگا۔ ملاقات میں سیکریٹری بورڈ آف انویسٹمنٹ احسن منگی، سیکریٹری لیبر رشید سولنگی , چیئرمین ایس آر بی خالد محمود سولنگی بھی موجود تھے۔ چیف سیکریٹری نیتمام مہمانوں کو سندھی ٹوپی اور جرک کی روایتی تحائف پیش کئے۔