کراچی (این این آئی) اینٹی کرپشن کی عبدالرزاق داؤ د سمیت دیگر کیخلاف تحقیقات مکمل۔تفصیلات کے مطابق رہائشی زمین غیر قانونی طریقے سے کمرشل کرنے کے کیس میں اینٹی کرپشن سندھ نے وزیراعظم کے مشیر عبدالرزاق داو د سمیت دیگر کیخلاف تحقیقات مکمل کرلیں۔ وزیراعلی سندھ کو تفصیلات سے آگاہ کر دیا گیا۔ وزیراعظم کے مشیر عبدالرزاق داود اور منظور قادر کاکا سمیت دیگر کیخلاف وزیراعلی سندھ سے کارروائی کی اجازت مانگ لی۔اینٹی کرپشن کے مطابق سات رہائشی بینگلوز کو کمرشل کرکے غیرقانونی طریقے سے 17 منزلہ عمارت بنائی گئی۔

عبدالرزاق داو د کے رشتے دار فاروق داو د، ماجد داو د، یعقوب داو اور عائشہ داو د سمیت دیگر فائدہ حاصل کرنیوالوں میں شامل ہیں۔اینٹی کرپشن کے مطابق عبدالرزاق داو د اور ان کے قریبی رشتے داروں کو 16 ارب روپے کا فائدہ پہنچایا گیا۔اینٹی کرپشن نے کے ایم سی کے سابق ایڈمنسٹریٹر ہاشم رضا زیدی، سابق میونسپل کمشنر متانت علی، بلڈر آفتاب لاکھانی کے خلاف بھی کارروائی کی اجازت طلب ہے۔اینٹی کرپشن کے مطابق ہاشم رضا زیدی نے اختیارات نہ ہونے کے باوجود نیو ٹاون سے اسٹیڈیم روڈ تک علاقوں کو رہائشی سے کمرشل زمین میں تبدیل کیا۔

موضوعات:عبدالرزاق داؤ د