اسلام آباد (این این آئی) چیئرمین ایف بی آر جہانزیب خان نے کہا ہے کہ علیمہ خان نے جرمانے کا 25 فی صد جمع کرا دیا ہے۔نجی ٹی وی کے مطابق جہانزیب خان نے کہا کہ علیمہ خان نے اپیل میں جانے کی درخواست دی ہے۔انہوں نے کہا کہ علیمہ خان سے پہلے چھ ماہ میں 45 فی صد ریکوری ہوئی ہے، کوشش ہو گی کہ اہداف کے مطابق ریکوری کر لیں۔چیر مین ایف بی آر نے کہا کہ ٹیلی کام سیکٹر میں ٹیکس کا خاتمہ وصولیوں میں کمی کا باعث بنا۔جہانزیب خان نے کہا کہ نیشنل فنانس کمیشن میں

صوبے ٹیکسوں پر تحفظات کا اظہار کرتے ہیں۔انہوں نے کہا کہ حکومت لوگوں پر بلا وجہ ٹیکسوں کا بوجھ ڈالنے کے حق میں نہیں، جو جتنا کماتا اور خرچ کرتا ہے اسے چھپانا نہیں چاہیے۔چیئرمین ایف بی آر نے کہا کہ حکومت بلا وجہ ٹیکسز کا بوجھ ڈالنے کے حق میں نہیں ہے اورتمام تر توجہ ٹیکسز کو آسان اور کم سے کم کرنا ہے تاکہ تاجر اور لوگ خوش ہوں، ٹیکس کلچر کے ذریعے ٹیکس نیٹ میں اضافہ کررہے ہیں اس لیے علیمہ خان بھی عام ٹیکس گزار کی طرح اپیل کا استحقاق رکھتی ہیں۔