لاہور(نیوزڈیسک)قومی کرکٹ ٹیم کے آف سپنر سعید اجمل آئندہ ماہ وورسٹر شائر کی جانب سے کاو نٹی چمپئن شپ میں اپنا تیسرا سپیل شروع کریں گے۔ وہ 2011ءاور 2014ءمیں بھی انگلش کلب کی طرف سے کھیل چکے ہیں اور پاکستان کرکٹ بورڈ کی جانب سے این او سی ملنے کے بعد دوبارہ ایکشن میں دکھائی دیں گے ۔سعید اجمل ابتدائی طور پر پانچ ہفتوں کیلئے ڈویڑن ون سائیڈ کی نمائندگی کریں گے۔ بعدازاں ان کے انگلینڈ میں قیام کا انحصار سری لنکا کے خلاف ون ڈے سیریز کیلئے قومی ٹیم میں سلیکشن پر بھی ہے جو 11 جولائی سے شرو ع ہوگی۔ سعید اجمل نے گزشتہ مہم جوئی کے دوران نو میچوں میں 63وکٹیں لے کر وورسٹر شائر کو ڈویڑن ٹو سے ڈویڑن ون میں ترقی دلانے میں مدددی تھی