لاہور(یوپی آئی)مسلم لیگ کی ترجمان مریم اورنگزیب نے کہا ہے کہ ملکی مسائل پرقابوپانا حکومت کے بس کی بات نہیں، آل پارٹی کانفرنس بلالیں،ہم آپ کی مددکریں گے، وزیراعظم عمران خان،اسحاق ڈار،شاہدخاقان،احسن اقبال سے مشورہ لیں۔ ترجمان ن لیگ مریم اورنگزیب نے وزیراعظم کے ٹویٹ پرردعمل دیتے ہوئے کہاکہ وزیراعظم کچھ اپنی حکومت کے عوام پرمظالم اورعذاب پربھی ٹویٹ کریں،کدھرہے معاشی پالیسی اورمعاشی ویژن،ملکی صورتحال ٹویٹ کرکے ٹھیک نہیں ہوگی بلکہ اس کے لئے کچھ آنا بھی چاہیے حکومت میں آ نے سے پہلے تو حکو متی وزرا ایسے بیان دے
رہے تھے جیسے ایک دن میں ملک کے حا لا ت ٹھیک کر دینگے اب ان کو سمجھ ہی نہیں آرہی کہ کر نا کیا ہے ۔مریم اورنگزیب نے حکومت کو آڑے ہاتھوں لیتے ہوئے کہا کہ ملکی مسائل پرقابوپاناآپ کی حکومت کے بس کی بات نہیں، آل پارٹی کانفرنس بلالیں،ہم آپ کی مددکریں گے،ملکی مفاد میں انا اور تکبر کو پس پشت ڈالتے ہو ئے وزیراعظم عمران خان،اسحاق ڈار،شاہدخاقان،احسن اقبال سے معیشت کو بہتر بنا نے کے لئے مشورہ لیں کیونکہ حکومت کی نااہلی اورناتجربہ کاری کی وجہ سے عوام مایوسی کا شکارہیں، وزیراعظم پارلیمانی اجلاس بلائیں، شہباز شریف سے نہ ڈریں۔
