ابوظہبی ۔۔۔۔ شیخ زید سٹیڈیم میں کھیلے جانے والے میچ میں کھانے کے وقفے پر پاکستان کی پہلی اننگز 566 کے جواب میں نیوزی لینڈ کی بیٹنگ مشکلات کا شکار ہے اور ۱۳۰ کے مجموعی سکور پر اس کے چار کھلاڑی آؤٹ ہو چکے ہیں۔اسے فالو آن سے بچنے کے لیے مزید 285 رنز درکار ہیں۔اس سے پہلے نے نیوزی لینڈ کے اوپنرز برینڈن میک کلم اور ٹام لیتھم محتاط انداز میں اپنی اننگز کی ابتدا کی۔کھیل کا تازہ سکورمیک کلم ذوالفقار بابر کی گیند پر یونس خان کے ہاتھوں 18 رنز بنا کر آؤٹ ہوئے جبکہ ان کے بعد آنے والے کھلاڑیوں کے سی ولیم سن کو بھی راحت علی نے کلین بولڈ کر دیا۔ راس ٹیلر ذوالفقار بابر کی گیند پر اسد شفیق کے ہاتھوں بغیر کوئی رنز بنائے کیچ ہوئے۔اس وقت لیتھم اور اینڈریسن کریز پر موجود ہیں۔نیوزی لینڈ نے دوسرے دن کے کھیل کے خاتمے کے بعد 15 رنز بنائے تھے اور ان کی کوئی وکٹ نہیں گری تھی۔پاکستان کی سپن بولنگ کو دیکھتے ہوئے نیوزی لینڈ کے تجربہ کار کھلاڑی اور کپتان برینڈن مکلم خود ہی اننگز کے آغاز کے لیے کریز پر آئیاس سے قبل پہلے ٹیسٹ کے دوسرے دن پاکستان نے صرف تین وکٹوں کے نقصان پر 566 رنز بناکر پہلی اننگز ڈکلیئر کر دی تھی اور نیوزی لینڈ کو صرف سات اوورز کھیلنے کا موقع مل سکا تھا۔
پاکستانی اننگز میں جو بیٹسمین بھی کریز پر آیا، اس نے رنز کی بہتی گنگا میں ہاتھ دھوئے۔ یہ ٹیسٹ کرکٹ میں کسی بھی ٹیم کے پہلے پانچ بیٹسمینوں کا 80 یا اس سے زائد رنز سکور کرنے کا پہلا موقع ہے۔اوپنر احمد شہزاد کی کریئر بیسٹ اننگز کے بعد یونس خان اور کپتان مصباح الحق نے بھی سنچریاں بنا ڈالیں۔
پہلے پانچ بیٹسمینوں کا 80 یا اس سے زائد رنز سکور کرنے کا ٹیسٹ کرکٹ میں یہ پہلا موقع ہے
یونس خان کی یہ پانچویں اننگز میں چوتھی سنچری ہے جبکہ کپتان مصباح الحق کی یہ مسلسل تیسری سنچری ہے۔
پیر کو احمد شہزاد اور اظہرعلی نے 269 رنز ایک کھلاڑی آؤٹ پر اننگز شروع کی۔ کھانے کے وقفے سے قبل آخری اوور میں احمد شہزاد کورے اینڈرسن کے باؤنسر پر کنپٹی پر گیند لگنے سے لڑکھڑائے اور بلا وکٹوں میں جا لگا۔سکین رپورٹ کے مطابق احمد شہزاد کی کھوپڑی میں معمولی سا فریکچر ہوا ہے۔احمد شہزاد نے 17 چوکوں اور ایک چھکے کی مدد سے 176 رنز سکور کیے جو ان کے ٹیسٹ کریئر کا بہترین انفرادی سکور ہے۔
رنز کی بہتی گنگااس اننگز میں جو پاکستانی بیٹسمین بھی کریز پر آیا، اس نے رنز کی بہتی گنگا میں ہاتھ دھوئے۔ یہ ٹیسٹ کرکٹ میں کسی بھی ٹیم کے پہلے پانچ بیٹسمینوں کا 80 یا اس سے زائد رنز سکور کرنے کا پہلا موقع ہے۔احمد شہزاد اور اظہرعلی نے دوسری وکٹ کی شراکت میں169 رنز کا اضافہ کیا۔یونس خان اور مصباح الحق کی شراکت نے سکور میں 193 رنز کا اضافہ کیا۔یونس خان نے ٹیسٹ میچوں میں 28 ویں سنچری 99 کے سکور پر ٹم ساؤدی کے ڈراپ کیچ کی بدولت دس چوکوں کی مدد سے مکمل کی۔مصباح الحق کے دو کیچ 17 اور 20 رنز پر مارک کریگ اور نیشام نے ڈراپ کیے۔ دونوں مرتبہ بد قسمت بولر ساؤدی تھے۔مصباح الحق نے اپنی آٹھویں ٹیسٹ سنچری نو چوکوں اور ایک چھکے کی مدد سے مکمل ہوتے ہی اننگز ڈکلیئر کر دی۔