کراچی(نیوز ڈیسک)پاکستان رینجرزسندھ نے کراچی کے علاقے شاہ فیصل کالونی نمبر 5 میں پارک سے زمین میں دبایا گیا اسلحہ برآمد کرلیاہے۔سندھ رینجرز کی جانب سے جاری کردہ بیان کے مطابق کراچی کے علاقے شاہ فیصل کالونی نمبر 5 میں واقع تیموریہ پارک میں شہریوں بابر علی اورنعمان خان کی جانب سے درخت لگانے کے لیے کی جانے والی کھدائی کے دوران مشکوک ڈبوں کی اطلاع پاکستان رینجرزکودی۔اطلاعات کی بنیاد پر پاکستان رینجرزسندھ کی کوئیک ر یسپانس فورس نے جائے وقوعہ

پر پہنچ کر مزید کھدائی کر کے زیر زمین چھپائے گئے ایمونیشن کے 17 ڈبے اورایک بوری بر آمد کر لی۔ بر آمد کیے گئے 17 ڈبوں میں ایس ایم جی کے مجموعی طور پر3300رائونڈ اور بوری میں موجود 12 بور رائفل کے 400 کارتوس شامل ہیں۔پاکستان رینجرزسندھ نے عوام سے اپیل ہے کہ ایسے عناصر کے بارے میں اطلاع فوری طور پر قریبی چیک پوسٹ،رینجرز ہیلپ لائن 1101 یا رینجرز مددگار واٹس ایپ نمبر03162369996 پر کال یا ایس ایم ایس کے ذریعے دیںان کانام صیغہ رازمیں رکھاجائے گا