سکردو (آئی این پی) پولیس آفیسر سے مبینہ بد تمیزی پی ٹی آئی سٹی صدر کواجہ مدثر کو مہنگی پڑ گئی،ایس پی کے حکم پر حوالات منتقل کردیا گیا۔پولیس ذرائع کے مطابق یہ واقعہ اس وقت پیش آیا جب سکردو نیو یادگار شہدا پر سالانہ روایتی تہوار جشن مے فنگ عروج پر تھا جہاں گاڑی غلط پارک کرنے پر پولیس آفیسر اور PTIکے سٹی صدر خواجہ مدثر میں
تلخ کلامی ہو گئی اور خواجہ مدثر نے مبینہ طور پر بد تمیزی کی جس پر ایس پی سکردو نے پی ٹی آئی رہنما کو فور ی طور پر گرفتار کر نے کا حکم دیا اور انہیں سٹی تھانہ منتقل کر دیا گیا ۔ ادھر واقعے کی اطلاع پر پی ٹی آئی کی صوبائی و مقامی قیادت متحرک ہو گئی ہے اور اپنے سٹی صدر کی رہائی کیلئے اثر رسوخ کا استعمال شروع کر دیا ہے ۔
