کراچی(این این آئی)شہرقائد میں سپراسٹورزسے دودھ کے ڈبے چرائے جانے کے واقعات بڑھ گئے ہیں، دودھ کے ڈبے چرانے میں خواتین کے ملوث ہونے کا انکشاف ہواہے،پولیس نے تحقیقات شروع کردی ہیں، واقعے کی سی سی ٹی وی ویڈیو بھی سامنے آئی ہے ۔کراچی میں دوودھ کے ڈبے بھی محفوظ نہ رہے۔ غربت اتنی بڑھی کہ ماں نے اپنے بچوں کے لیے سپراسٹورسے دودھ کے ڈبے چراناشروع کردیئے.
نارتھ ناظم آباد کے علاقے فائیواسٹارمیں سپرمارٹ کامالک شاہدندیم دودھ کے ڈبے چوری ہونے کی وارداتوں سے تنگ آکر خواتین کی جانب سے دودھ چرانے کی وڈیو لے کرتھانے پہنچ گیا اوردرخواست جمع کرادی۔سپر اسٹور سے دودھ چرانا مجبوری ہے یا پھر شوق پولیس کے لئے ایک سوالیہ نشان بن چکاہے۔واقعے کی سی سی ٹی وی فوٹیج منظر عام پر آنے کے بعد پولیس نے بھی خواتین کا سراغ لگانا شروع کردیا ہے۔
