اسلام آباد(مانیٹرنگ ڈیسک) انڈونیشیا کا مسافر طیارہ گرکر تباہ ہو گیا۔جہاز میں 189 مسافر سوار تھے۔عالمی میڈیا کی رپورٹس کے مطابق انڈونیشیا کا مسافر طیارہ صبح چھ بج کر 20 منٹ پر جکارتہ سے پنگکال شہر کیلئے روانہ ہوا تھا اور چند ہی لمحوں کے بعد وہ سمندر میں گر کر تباہ ہو گیا جس میں 189 مسافر سوار تھے تاہم کسی بھی مسافر کے زندہ بچنے کی امید ظاہر نہیں کی جار ہی۔
طیارہ حادثے کی انڈونیشیا کے حکام نے تصدیق کر دی ہے ۔طیارے نے مقامی وقت کے مطابق صبح 6 بج کر 20 منٹ پر اڑان بھری اور 13 منٹ بعد اس کا رابطہ کنٹرول ٹاور سے منقطع ہوگیا۔انڈونیشیا کے ریسکیو ایجنسی کے ترجمان یوسف لطیف نے تصدیق کی ہے کہ طیارہ حادثے کا شکار ہو گیا ہے۔جہاز کا ملبہ سمندر سے مل گیا ہے، جس میں جہازکی سیٹیں، سیل فون اور لائف جیکٹس شامل ہیں۔
