بیجنگ(آئی این پی)چین نے پاکستان کو دیئے جانے والے ڈرونز بارے بھارتی پروپیگنڈا یکسر مسترد کر دیا، چینی ساختہ ڈرونز پاکستان کی سیکیورٹی میں بہترہی لانے میں مدد دیں گے، ڈرونز کو دہشت گردی، امن برقرار رکھنے، سرحدی گشت آپریشن کے لئے استعمال کیا جائے گا،بھارتی میڈیا نے چین کی پاکستان کو ڈرون فراہمی کو بھارت روس مابین معاہدے سے منسلک کیا ہے،
ٹائمز آف انڈیا کا کہنا ہے کہ بھارت پاکستان مابین مسلح ڈرونز کی خریداری کی دوڑ شروع ہو جائے گی، بھارتی فوجی ماہرین کا کہنا ہے کہ چینی ڈرون بھارتی دفاعی نظام کے لئے تر نوالہ ثابت ہوں گے۔معروف چینی روزنامہ گلوبل ٹائمز نے اپنے مضمون میں واضح کیا ہے کہ چین پاکستان کو ڈرونز فراہمی کے حوالے سے بھارتی پروپیگنڈا کو یکسرمسترد کرتا ہے۔ ڈرونز کی فراہمی پاکستان کی سیکیورٹی کو بہتر بنانے کے لئے ہے۔ ڈرونز کو دہشت گردی، امن برقرار رکھنے، سرحدی گشت آپریشن کے لئے استعمال کیا جائے گا۔واضح رہے کہ گذشتہ۰ ہفتے پاکستان ائیر فورس شیر دل ایرو بیٓٹک نے اپنے فیس بک اکائونٹ پر اعلان کیا تھا کہ پاکستان ایرو ناٹیکل کمپلیکس کامرہ اور ایوی ایشن انڈسٹری آف چائنا چھینگڈو ائیر کرافٹ مشترکہ طور پر 48ونگ لونگ iiڈرونز تیار کریں گے۔ بھارتی میڈیا نے چین کی پاکستان کو ڈرون فرہمی کو بھارت روس مابین معاہدے سے منسلک کرتے ہوئے ہرزہ رسائی کی ہے کہ خطے میں مسلح ڈرونز کی خریداری کی دوڑ شروع ہو جائیگی۔ چینی خبر رساں ادارے شنہوا کے مطابق چینی ساختہ یہ ڈرونز یو ایسMQ-9ڈرونز کے ہم پلہ ہیں۔ جب کہ بھارتی دفاعی ماہرین کا کہنا ہے کہ چینی ساختہ ڈرونز بھارتی دفاعی نظام کے لئے تر نوالہ ثابت ہوں گے۔چین کافی عرصہ سے بھارت کے ساتھ بہتر تعلقات کے لئے پاکستان کو اسلحہ سپلائی سے باز رہا ہے۔ بھارتی میڈیا کا کہنا ہے کہ دوسری جانب امریکہ نے پاکستان کی 300ملین ڈالر فوجی امداد بھی بند کر دی ہے۔ بھارت2013سے 2017تک سب سے زیادہ اسلحہ خریدنے والا ملک رہا ہے۔ یاد رہئے کہ بھارت نے مئی میں امریکن ڈرونز کی خریداری کا معاہدہ کیا جب کہ حال ہی میں ایس400روسی فضائی دفاعی میزائل سسٹم کا معاہدہ بھی کیا ہے۔
