اسلام آباد (مانیٹرنگ ڈیسک)ایان علی کے نام سےسامنے آنیوالے جعلی اکاؤنٹ سے سابق صدر آصف علی زرداری اور ان کے صاحبزادے بلاول بھٹو اور صاحبزادی بختاور بھٹو کو ائیرٹکٹس جاری ہونے کا انکشاف، ایان علی کو اسی اکائونٹ سے ائیرٹکٹس جاری ہوتے رہے، معرو ف صحافی کامران شاہد نے تہلکہ خیز انکشافات کر دئیے۔ تفصیلات کے مطابق نجی ٹی وی پروگرام میں

گفتگو کرتے ہوئے معروف صحافی کامران شاہد نے تہلکہ خیز انکشاف کرتے ہوئے بتایا ہے کہ ایان علی کے نام سےسامنے آنیوالے جعلی اکاؤنٹ سے سابق صدر آصف علی زرداری اور ان کے صاحبزادے بلاول بھٹو اور صاحبزادی بختاور بھٹو کو ائیرٹکٹس جاری ہونے کا معاملہ سامنے آیا ہے ، اسی اکائونٹ سے کروڑوں روپے کی ٹرانزیکشنز کی گئی ہیں جبکہ ایان علی کو اسی اکاؤنٹ سے ائیر ٹکٹس جاری ہوئے تھے۔ واضح رہے گذشتہ روز جعلی اکاونٹس کیس میں اب تک کی سب سے بڑی پیش رفت ہوئی تھی جس میں یہ بات سامنے آئی کہ ماڈل گرل ایان علی تمام معاملے کی مرکزی کردار ہے اور ایف آئی نے ایان علی کے اکاؤنٹس سے جعلی اکاؤنٹس کے لنک کا سراغ لگا لیا ہے۔ ایف آئی اے کی جانب سے بتایا گیا ہے کہ ایان علی کے اکاؤنٹ میں جعلی اکاؤنٹس سے پیسوں کی ٹرانزیکشنز ہوتی رہی ہیں۔ ایف آئی اے نے حاصل ہونے والے تازہ ترین شواہد کے بعد ایان علی کے گرد گھیرا تنگ کرنا شروع کردیا ہے۔ایف آئی اے کی جانب سے ایان علی کی گرفتاری بھی عمل میں لانے کی کوشش کی جا سکتی ہے۔خیال رہے کہ ماڈل گرل ایان علی کرنسی سمگلنگ کیس میں رنگے ہاتھوں ائیرپورٹ سے کسٹم حکام کے ہاتھوں گرفتاری ہوئی تھی جس کے بعد مقدمہ چلنے کے بعد ایان علی پہلے ضمانت اور پھر عدالتی اجازت کیساتھ بیرون ملک روانہ ہو گئی تھی جس کے بعد اب تک وہ واپس پاکستان نہیں آئیں۔